Петнаесетгодишен малолетник се здобил со тешки телесни повреди во сообраќајна несреќа што се случила синоќа во Гостивар, информира Министерството за внатрешни работи.
Според МВР, несреќата била пријавена на 8 јули во 19:10 часот на крстосницата на улиците „Живко Брајкоски“ и „Ристо Оџаклиески“, каде што се судриле патничко возило „пежо“ со гостиварски регистарски ознаки, управувано од А.Т. (58) од Гостивар, и електричен тротинет управуван од 15-годишен малолетник од Гостивар.
Во несреќата, малолетникот се здобил со тешки телесни повреди, кои биле констатирани во Ургентниот центар во Гостивар.
Увид на местото на несреќата извршила увидна екипа од ОВР Гостивар, а се преземаат мерки за целосно расчистување на околностите под кои се случила сообраќајната несреќа.
