На 25 јуни околу 20:15 часот во СВР Тетово било пријавено дека на тротоар на булеварот „Маршал Тито“ во Тетово се случила сообраќајна незгода помеѓу електричен тротинет управуван од 14-годишник од Тетово и детски тротинет што го управувало четиригодишно дете, кое било во придружба на родител.
Во незгодата, четиригодишното дете се здобило со телесни повреди, кои биле констатирани во Клиничката болница во Тетово.
За настанот бил известен јавен обвинител, а увид на местото извршила екипа од СВР Тетово.
