Шеснаесетгодишен малолетник од Скопје е тешко повреден во сообраќајна несреќа што се случила на улицата „Адем Демачи“ во Скопје.
Според МВР, несреќата била пријавена на 10 август во 16:55 часот. Патничко возило удрило во малолетникот додека тој туркал електричен тротинет, по што возилото го напуштило местото.
Малолетникот се здобил со тешки телесни повреди, кои биле констатирани во Ургентниот центар при Комплексот клиники „Мајка Тереза“.
Увид на местото извршила увидна екипа на СВР Скопје. Полицијата презема мерки за расчистување на случајот и пронаоѓање на возилото и возачот.
