17-годишник е тешко повреден во сообраќајна несреќа меѓу автомобил и мопед што се случила на улицата „Никола Парапунов“ во Гостивар.
Од МВР информираат дека несреќата била пријавена на 6 септември во 20:55 часот во ОВР Гостивар. Во сообраќајката учествувале патничко возило „БМВ“ со гостиварски регистарски ознаки, управувано од 26-годишниот М.Ж. од Гостивар, и мопед со гостиварски регистарски ознаки, управуван од 17-годишник од селото Галате.
Малолетникот се здобил со тешки телесни повреди, кои биле констатирани во Ургентниот центар во Гостивар.
Увид на местото извршила увидна екипа на ОВР Гостивар.
