На 1 март 2026 година во 23:40 часот, при сообраќајна контрола на пресекот на улиците „Сатеска“ и „Гоце Делчев“ во Охрид, полициски службеници од СВР Охрид исклучиле од сообраќај патничко возило „фолксваген голф“ со охридски регистарски ознаки.
При проверката било утврдено дека возилото го управува малолетник кој нема положен возачки испит и не стекнал право за управување со моторно возило.
Во присуство на родител, возилото било одземено, а по целосно документирање на случајот СВР Охрид ќе поднесе соодветна пријава.
