МАН: Скандалозна е поддршката на поглаварот на ИВЗ за убиството на саудискиот новинар

Скандалозна е поддршката на поглаварот на ИВЗ, Сулејман Реџепи, кој во име на Исламската верска заедница и сите муслимани од Македонија ги поддржува кралот и кралското семејство на Саудиска Арабија во случајот со свирепото убиство на новинарот Џамал Кашоги, велат од Македонската асоцијација на новинарите (МАН).

— реклама —

— реклама —

— реклама —

„Против свирепото убиство на саудискиот новинар Џамал Кашоги се крена целиот демократски свет и го осудија сите новинарски здруженија и асоцијации во светот. Поглавар на која било верска заедница во ниеден случај не смее да релативизира ничие убиство, а најмалку свирепо убиство на новинар, мачна смрт што со денови беше криена токму од саудиското кралско семејство. Сулејман Реџепи се стави на спротивната страна од целиот демократски свет и не го осуди убиството“, се наведува во реакцијата на МАН.