Манасиевски: „Дали Филипче е дел од бугарските мисии во Скопје за кои говори бугарската министерка“ Петрова Чамова

ВМРО-ДПМНЕ денеска преку својот портпарол Валентин Манасиевски упати нови обвинувања кон претседателот на СДСМ, Венко Филипче, тврдејќи дека тој е „најголем промотор на бугарските позиции во Скопје“.

— реклама —

На прес-конференција, Манасиевски рече дека Филипче и СДСМ имаат идентични ставови со бугарските власти околу уставните измени и прашањата поврзани со македонскиот идентитет и евроинтеграциите.

— реклама —

Тој обвини дека Филипче ги убедува граѓаните дека уставните измени се последниот услов за членство во Европската Унија, иако, според него, официјална Софија јасно порачувала дека тоа не е последното барање.

Манасиевски додаде дека СДСМ нема визија и концепт за водење на државата и дека, како што рече, се става во функција на бугарските интереси со цел повторно да дојде на власт.

— реклама —

Во обраќањето, портпаролот на ВМРО-ДПМНЕ постави и директно прашање до Филипче дали е дел од, како што наведе, „бугарските мисии во Скопје“ за кои зборувала бугарската министерка Петрова Чамова.

— реклама —

Според Манасиевски, доколку Филипче не одговори на овие обвинувања, тоа ќе биде потврда за, како што рече, неговата поврзаност со бугарските власти.