Децата на Филипче се децата на предавникот Заев, талогот од СДС испливува на површина. Деца осудени за насилство и трговија со дрога е иднината која ја нуди Филипче на граѓаните, вели Валентин Манасиевски, портпарол на ВМРО-ДПМНЕ.
„Венко Филипче смета дека со насилници и лица корисници на наркотични средства и опојни дроги треба да се гради иднина.
Христијан Ефтимов внук на Заеви, и Илија Стојанов негов другар, се лица кои се условно осудени на година и пол условна казна затвор, затоа што тепале странски државјани во Струмица, мислејќи дека можат што сакаат да прават затоа што се деца на Заеви.
Истите овие деца Филипче ги претставува како жртви.
Талогот на СДС не може и не смее да биде иднината која сите ние ја заслужуваме.
Катаклизмичните 7 години на власт на СДС, со Заев и Филипче не смеат никогаш повеќе да се повторат“, вели Манасиевски.
