Манасиевски: Ислам Абази го спаси Филипче, откако Вилма Русковска и Елизабета Јосифовска од СЈО со години го чуваа предметот во фиока

ВМРО-ДПМНЕ денеска обвини дека ОЈО ГОКК го затворило предметот за изградбата на 19-те модуларни болници во периодот на ковид-кризата, меѓу кои и тетовската модуларна болница, во која во пожарот во септември 2021 година загинаа 14 лица. Обвинувањата ги изнесе портпаролот на партијата, Валентин Манасиевски.

— реклама —

Според Манасиевски, предметот бил оформен на 10 септември 2021 година, а пет години подоцна, на 20 август 2026 година, ОЈО ГОКК, предводено од Ислам Абази, оценило дека не постои основано сомнение за злоупотреба на службената положба и овластувања при јавните набавки.

— реклама —

Од ВМРО-ДПМНЕ тврдат дека поранешниот министер за здравство, Венко Филипче, имал директна одговорност за поставувањето на модуларните болници. Манасиевски обвини дека Филипче не потпишал технички спецификации и не бил изработен елаборат за електричната инсталација, а посочи и дека тетовскиот објект бил поставен над резервоар на бензинска станица.

„Ислам Абази го спаси Филипче“, изјави Манасиевски, обвинувајќи дека предметот со години бил во различни фази на постапување и дека со неговото затворање се заштитуваат поранешни функционери.

— реклама —

Од партијата посочуваат дека предметот првично го водела Вилма Русковска, а потоа бил преземен од Елизабета Јосифовска. Манасиевски оцени дека сега, по одлуката на ОЈО ГОКК, одговорноста за случајот повторно останува отворено политичко прашање.

— реклама —

Тој додаде дека затворањето на истрагата не значи дека постапката во иднина не може повторно да биде отворена доколку се појават нови докази.