Манасиевски: Изјавата на Рубин Земон е показател за пристапот на СДС кон македонските национални интереси под раководство на Филипче

Желбата на СДС да дојдат на власт е толку голема, до степен да негираат се што е македонско, да прифаќаат услови од земји кои што ја ветоизираат Македонија и и го попречуваат патот кон ЕУ, вели Валентин Манасиевски, член на ЦК на ВМРО-ДПМНЕ.

— реклама —

„Членот на Извршниот одбор на СДС, Рубин Земон, во јавен настап на поткаст отворено изјави дека дебатата за македонскиот идентитет не е релевантна, а Гоце Делчев го опиша како мит, тврдејќи дека не оставил никаков запис и не извојувал ниедна битка.

Рубин Земон е инаку поранешен функционер од редовите на СДС, кој очигледно според оваа изјава само потврдува дека во СДС постои континуитет на вакви ставови.

— реклама —

За нив ништо не значат македонскиот идентитет, јазикот, како и македонските национални интереси, туку тие само се теми за политичко пазарење.

— реклама —

Не им пречи тоа што, доколку би се спровеле уставните измени, нема гаранција за Македонија дека тоа ќе биде последната пречка на патот кон ЕУ.

Напротив, Филипче вели дека уште веднаш е подготвен да потпише и во највискиот орган на СДС, поставува луѓе кои се подготвени да ја релативизираат македонската историја, и испраќа пораки на подготвеност за отстапки кои допираат до самите темели на државноста.

— реклама —

Рубин Земон, е само уште еден доказ дека за Филипче не постои никаква црвена линија“, додава тој.