Манасиевски: Најголема жртва на блокадата на СДС, Левица и ДУИ е македонската дијаспора

Портпаролот на партијата, Валентин Манасиевски, на денешната прес-конференција обвини дека најголемата последица од, како што вели, блокирањето на Изборниот законик од страна на СДСМ, Левица и ДУИ ќе ја почувствуваат македонските граѓани кои живеат надвор од државата.

— реклама —

Манасиевски изјави дека со месеци се работело на изнаоѓање заедничко решение, но наместо политички консензус, опозициските партии, според него, го блокирале процесот и ги ставиле сопствените партиски интереси пред интересите на дијаспората.

— реклама —

„Најголема штета од блокирањето на Изборниот законик од страна на СДС, Левица и ДУИ нема да претрпи ВМРО-ДПМНЕ, туку македонските граѓани кои живеат надвор од државата“, рече Манасиевски.

— реклама —

Тој додаде дека ВМРО-ДПМНЕ е подготвена да ги прифати сите барања на опозицијата, иако, како што оцени, тие не се суштински, само за да се овозможи македонската дијаспора да гласа по електронски пат или по пошта.

— реклама —

Од партијата порачаа дека македонските иселеници заслужуваат еднакво право на учество во изборните процеси и ги повикаа СДСМ, Левица и ДУИ да ја прекинат блокадата и да покажат одговорност, со цел Изборниот законик да биде донесен во интерес на сите македонски граѓани, без разлика каде живеат.