Манасиевски: Пиунот на Радев, Венко Филипче призна дека СДС има исти позиции со Бугарија и дека нема проблем да бидеме „северномакедонци’’

Валентин Манасиевски од ВМРО-ДПМНЕ на денешната прес-конференција упати остри критики кон лидерот на СДСМ, Венко Филипче, обвинувајќи го дека има исти позиции со официјална Бугарија во однос на уставните измени и евроинтегративниот процес.

— реклама —

Манасиевски тврдеше дека Филипче е „најгласен“ во поддршката за внесување на Бугарите во Уставот и оцени дека со тоа се отвораат прашања поврзани со идентитетот, јазикот, културата и историјата.

— реклама —

Во обраќањето беа изнесени и критики поради ставовите на СДСМ околу уставните измени, при што Манасиевски ја спомена и бугарската министерка Велислава Петрова-Чамова.

— реклама —

„Филипче и натаму останува единствениот политичар во Македонија кој е најгласен за уставните измени“, рече Манасиевски.

— реклама —

Од ВМРО-ДПМНЕ побараа Филипче да одговори на, како што наведоа, прашања поврзани со неговите политички позиции и ставови во однос на барањата на Бугарија.