Манасиевски: СДС падна под 5% доверба, ПР стратегиите не помагаат

Членот на Централниот комитет на ВМРО-ДПМНЕ, Валентин Манасиевски, обвини дека ПР политиките на Башановиќ го довеле СДСМ до историски најнизок рејтинг кај граѓаните.

— реклама —

Според Манасиевски, лидерот на СДСМ, Венко Филипче, ужива доверба од само 3,6 проценти, додека самата партија има поддршка од 4,9 проценти.

„ПР политиките на Башановиќ го допреа дното во СДС. Со вакви политики и однос кон граѓаните и медиумите – и овој рејтинг им е добар“, наведува Манасиевски.

— реклама —

Тој додава дека, според него, тврдењата на СДСМ за раст на довербата кај граѓаните се покажале како неточни, оценувајќи дека „уште една лага се распрснала како меур од сапуница“.

— реклама —

Во изјавата се посочува и дека во партиското седиште на СДСМ, познато како Бихаќка, владее неизвесност поради, како што наведува Манасиевски, слабите рејтинзи.

Како можни решенија, тој ги посочува промена на ПР стратегијата или раководството, предупредувајќи дека во спротивно СДСМ го очекува „длабока хибернација во опозиција“.

— реклама —

Изјавата доаѓа во период на засилени меѓупартиски обвинувања и спротивставени интерпретации на анкетите за доверба кај граѓаните.