Манасиевски: Заев започна бришење на терминот „македонски’’, за да дојде Филипче и да го запише „северномакедонски’’, тие се горди кога не прозиваат како „северномакедонци’’

На денешната пре-конференција членот на ЦК на ВМРО-ДПМНЕ, Валентин Манасиевски обвини дека Зоран Заев започнал со бришење на терминот „македонски“ од државните институции, а лидерот на СДСМ, Венко Филипче, според него, е подготвен да го замени со терминот „северномакедонски“.

На прес-конференција, Манасиевски изјави дека СДСМ и Филипче немаат проблем со употребата на терминот „северномакедонци“ и дека, како што рече, водат политика што е во интерес на бугарските власти.

— реклама —

Тој тврдеше дека СДСМ и Филипче се залагаат за уставни измени без гаранции дека тоа ќе биде последното барање на Бугарија во процесот на евроинтеграции.

„Филипче и СДС се на иста линија со Бугарија. Ставовите им се исти, барањата им се исти“, рече Манасиевски.

— реклама —

Во обраќањето тој оцени дека Македонија мора да добие јасни гаранции дека уставните измени ќе бидат последното барање за членство во Европска Унија.

— реклама —

Манасиевски додаде дека државата треба да влезе во ЕУ „како достоинствена, горда и исправена држава“.