Актерката Марго Роби се појави во впечатливо модно издание на премиерата на претставата „1536“ во лондонскиот Вест Енд, привлекувајќи внимание со поостар и поинаков стил од нејзините вообичаени модни комбинации.
По гламурозното појавување на Мет Гала, каде што носеше креација на Шанел, Роби овојпат избра комбинација од модната куќа Меквин.
Таа носеше црни панталони со низок струк и кратка „војничка“ јакна со златни детали и висок околувратник, инспирирана од колекцијата пролет-лето 2026 на дизајнерот Шон Мекгир.
Стајлингот бил надополнет со црна „Манта“ ташна и темен маникир.
Според странските медиуми, слични јакни од овој дизајнер чинат околу 6.000 евра, додека ташната се продава за повеќе од 2.000 евра.
Модните експерти наведуваат дека таканаречената „војничка“ или „наполеонска“ јакна повторно станува голем тренд во модниот свет.
Во последните месеци вакви модни парчиња носеа и Џена Ортега и Дуа Липа.
