Марихуана, бела прашкаста материја и дробилка пронајдени при претрес во неготинско

Марихуана, бела прашкаста материја, семки, дигитална вага, дробилка и пари биле пронајдени при претрес во дом во неготинското село Војшанци. Во врска со случајот, полицијата лишила од слобода 60-годишен маж.

— реклама —

Според информациите од Министерството за внатрешни работи, на 16 октомври во 12:30 часот, полициски службеници од ОВР Неготино го лишиле од слобода А.С. (60), кој престојувал во селото Војшанци.

— реклама —

— реклама —

Претресот бил извршен во неговиот дом, врз основа на судска наредба од Основниот суд Кавадарци. При претресот биле пронајдени и одземени марихуана, бела прашкаста материја, семки, дигитална вага, дробилка, пари и други предмети.

Лицето било задржано во полициска станица, а за случајот бил известен јавен обвинител. По целосното документирање на настанот, против него ќе биде поднесена соодветна пријава.