Марихуана, хероин, амфетамин и муниција пронајдени при полициски претреси низ државата

Министерството за внатрешни работи информира за повеќе кривични пријави поднесени против лица од неколку градови, поради сомнение за недозволена трговија со дрога и поседување оружје и пиротехнички средства.

СВР Скопје поднело кривична пријава против 25-годишниот М.С. од Скопје, откако на 2 октомври при контрола на автомобил „сеат леон“ што го управувал била пронајдена марихуана. Дрога била пронајдена и при подоцнежен претрес во домот во кој живее.

— реклама —

СВР Велес поднело пријава против 35-годишниот Т.Т. од Неготино. При претрес на неговиот дом и помошните простории на 3 февруари биле пронајдени марихуана, амфетамин и масло од канабис. Според пријавата, истиот ден кај друго лице била пронајдена марихуана што му ја продал осомничениот.

— реклама —

Кривична пријава поднело и СВР Тетово против 50-годишниот Д.С. од Тетово. При полициски преглед на 5 октомври кај него бил пронајден и одземен хероин.

СВР Куманово поднело пријава против лице од Чешка, откако на 3 октомври, при влез во државата на граничниот премин Табановце, во возилото што го управувало била пронајдена марихуана.

— реклама —

Надворешната канцеларија за криминалистички работи Берово поднела кривична пријава против 36-годишниот Б.С. од Берово. При претрес во неговиот дом и помошните простории на 20 август 2025 година биле пронајдени и одземени марихуана и семки од канабис.

— реклама —

Во друг случај, СВР Битола поднело кривична пријава против 51-годишниот О.Д. од Битола поради сомнение за недозволено поседување оружје и експлозивни материи. При претрес во неговиот дом биле пронајдени 20 парчиња муниција и 103 пиротехнички средства.

Од МВР информираат дека пријавите се поднесени поради постоење основи на сомнение за наведените кривични дела.