Две лица од струмичкото село Банско се лишени од слобода откако полицијата при претрес и преглед пронашла марихуана и стебло од растението канабис.
Од МВР информираат дека на 25 август во 17 часот, полициски службеници од СВР Струмица ги лишиле од слобода Е.Н. (21) и Џ.М. (29), двајцата жители на Банско.
При претрес на домот на Е.Н., извршен со судска наредба, биле пронајдени повеќе пакувања со марихуана, како и стебло од растението канабис.
Џ.М., кој во моментот на полициската интервенција бил затекнат во домот, бил прегледан, при што кај него била пронајдена марихуана.
За случајот бил известен јавен обвинител од Основното јавно обвинителство во Струмица. Од МВР додаваат дека по целосното документирање на настанот ќе биде поднесена соодветна пријава.
