Струшката полиција лишила од слобода 47-годишен жител на охридското село Долно Лакочереј, откако при полициски преглед кај него била пронајдена марихуана.
Од МВР информираат дека на 4 септември во 21:50 часот, во струшката населба „Плитишта“, полициски службеници од криминалистичката полиција при ОВР Струга го лишиле од слобода Г.С. (47).
При извршениот преглед, кај него била пронајдена и одземена опојна дрога марихуана.
Од полицијата информираат дека по целосното документирање на случајот, против 47-годишникот ќе биде поднесена соодветна пријава.
