Струмичката полиција приведе 48-годишен жител на градот, откако при судски нареден претрес во неговиот дом била пронајдена марихуана.
Од СВР Струмица информираат дека Г.М. бил лишен од слобода на 2 септември во 22:55 часот.
При претресот, извршен со судска наредба, полициските службеници пронашле марихуана.
За случајот бил известен јавен обвинител од Основното јавно обвинителство Струмица. По целосното документирање на случајот, полицијата ќе поднесе соодветен поднесок.
