Марихуана откриена во автомобил со скопски таблички, приведени три лица

Тројца жители на Скопје се лишени од слобода откако полициски службеници при контрола во патниот сообраќај во Кичево пронашле марихуана во возилото во кое се превезувале.

— реклама —

Според информациите од СВР Охрид, на 17 јуни во 22:50 часот на улицата „Магистрален пат“ во Кичево, полициски службеници од ОВР Кичево ги привеле М.Т. (24), Б.В. (25) и О.К. (25), сите од Скопје.

— реклама —

— реклама —

При контролата било сопрено патничко возило „Форд“ со скопски регистарски ознаки, во кое се наоѓале тројцата, а при прегледот биле пронајдени и одземени марихуана и други предмети.

— реклама —

По целосното документирање на случајот, против лицата ќе биде поднесена соодветна пријава.