Пратеникот на ВМРО-ДПМНЕ, Петар Марков, денеска упати серија обвинувања кон претседателот на СДСМ, Венко Филипче, тврдејќи дека тој поттикнува тензии и политички инциденти.
Според Марков, Филипче јавно признал дека организирал група млади лица со цел да се создаде инцидент, оценувајќи дека на тој начин ги злоупотребил за политички цели.
Во своето обраќање, Марков рече дека жителите на Ново Село не дозволиле ескалација на состојбата и мирно го следеле настанот на кој присуствувал премиерот Христијан Мицкоски.
Пратеникот на ВМРО-ДПМНЕ истакна дека, додека СДСМ, според него, се занимава со создавање тензии, Владата обезбедила 149 милиони евра за изградба на железничката пруга кон Бугарија.
Марков упати и лични критики кон Филипче, обвинувајќи го дека се обидува да привлече политичко внимание и најави дека, како што рече, во текот на утрешниот ден ќе бидат објавени дополнителни информации поврзани со случајот.
Од СДСМ засега нема реакција на овие обвинувања.
