Секој ден на 3 до 4 жени во земјава им се дијагностицира рак на дојка. Минатата година регистрирани се околу 1200 новозаболени, а близу 500 –тини починале, покажуваат податоците од невладината Борка. Eден од главните проблеми со кој се соочуваат овие жени е тоа што не можат навремено да ги направат прегледите кои се потребни за рано дијагностицирање. Иако раното откривање е клучно за успешен третман на болеста во некои здравствени установи се чека и по два месеци за снимање на мамограф.
Министерот за здавство Венко Филипче, кој даде поддршка на оваа кампања истакна дека мамографите се целосно сервисирани и се во функција од средината на минатиот месец .ТОј додаде дека од страна на Министерството за здравство за првпат е спроведена централна набавка на скапа цитостатска терапија.
За да ја зголемат свеста за оваа болест неколку генерации од семејства на болни денеска се собраа на „Школка“, да чекорат заедно со оние се борат со оваа болест. По 11 ти пат здружението „Борка“ е организатор на розевиот марш за подигање на свеста во борбата против ракот на дојка.
