Вооружен напад со трагични последици се случи во германскиот град Штаде, во покраината Долна Саксонија, каде што, според првичните информации, загинале најмалку пет лица.
Германската полиција соопшти дека осомничениот за нападот е уапсен кратко по инцидентот и се наоѓа во притвор.
Пукањето се случило во областа Данкерсштрасе во Штаде, а на местото на настанот веднаш биле испратени голем број полициски и спасувачки екипи.
Портпарол на полицијата потврдил дека најмалку пет лица ги загубиле животите, додека мотивот за нападот засега не е познат.
Според германскиот весник „Билд“, во тек е обемна полициска операција, а истрагата за околностите под кои се случило злосторството продолжува.
