Маж од Кочани е пронадејн мртов, две недели се водеше како исчезнат

Телото на 75-годишен маж од Кочани, кој се водел како исчезнат од почетокот на месецов, било пронајдено на непристапен терен меѓу селата Јастребник и Бабиште, информира Министерството за внатрешни работи.

— реклама —

На 13 јуни 2026 година во 08:22 часот во СВР Штип било пријавено дека на некатегоризиран пат помеѓу селата Јастребник и Бабиште, на место викано „Блага јабука“, било пронајдено тело на починато машко лице.

— реклама —

По преземените мерки и извршениот увид било утврдено дека станува збор за Ј.Д. (75) од Кочани, кој престојувал во селото Јастребник. За неговото исчезнување на 1 јуни 2026 година во полиција пријавил неговиот внук, откако се оддалечил од домот и не се вратил.

— реклама —

Телото било извлечено од екипи на Територијалната противпожарна единица Кочани и Доброволната планинарска служба „Осогово“.

— реклама —

По наредба на јавен обвинител, телото е предадено на обдукција, по што ќе бидат познати повеќе детали за причините за смртта.