Шеесет и четиригодишен маж е пронајден починат на свињарска фарма во светиниколското село Амзабегово, информираат од полицијата.
Случајот бил пријавен на 14 април 2026 година во 22:57 часот во СВР Штип – ОВР Свети Николе, по што полициски екипи излегле на терен.
Според информациите, починатиот К.П. (64) од Свети Николе бил вработен на фармата. Лекар од Итната медицинска помош констатирал смрт без видливи траги на насилство.
По наредба на јавен обвинител, телото на починатиот е дадено на обдукција, а надлежните институции работат на расчистување на околностите под кои настапила смртта, информираат од СВР Штип.
