Маж со остар предмет ја нападнал сопругата во Гостивар

Четириесет и петгодишен жител на Гостивар е приведен и му е одреден притвор, откако е осомничен дека со остар предмет ја нападнал својата сопруга.

— реклама —

— реклама —

Од Министерството за внатрешни работи информираат дека на 14 јули 2026 година, околу 05:40 часот, во Полициската станица Гостивар било пријавено дека во близина на угостителски објект во градот, Н.С. (45) ја нападнал својата 43-годишна сопруга, при што употребил остар предмет.

— реклама —

— реклама —

По преземените мерки, судија во претходна постапка му определил мерка притвор, по што Н.С. бил спроведен во Казнено-поправната установа Затвор Скопје.