Педесет и тригодишен жител на Битола е лишен од слобода откако, според полицијата, со огнено оружје ѝ се заканувал на својата сопруга во семејниот дом.
Од СВР Битола информираат дека на 1 јули околу 17:00 часот, на улицата „Ванчо Јаневски“, полициски службеници го привеле В.А. (53) од Битола.
Според пријавеното, тој во семејниот дом упатувал закани кон сопругата користејќи огнено оружје.
По целосно документирање на случајот, против него ќе биде поднесен соодветен поднесок.
