Вистинска драма се одвиваше денеска во Загреб, во близина на Основното училиште „Младост“, откако маж се закани на полициските службеници со бомба.
Според неофицијални информации, полицајците му пришле на маж кој се движел по улицата, по што тој извадил бомба и се заканил дека ќе ја активира.
Полицијата веднаш воспостави широк безбедносен периметар и го блокира сообраќајот на улицата Шишиќева, со цел да се спречи каква било опасност за граѓаните.
На местото на настанот, покрај специјалните полициски единици, бил повикан и полициски преговарач.
Според последните информации, осомничениот е совладан и се наоѓа под полициски надзор.
