Маж загина откако се превртел со трактор во прилепско

Педесет и четиригодишен жител на прилепското село Канатларци го загубил животот во несреќа со трактор што се случила во атарот на селото Подмол.

— реклама —

Според информациите од Министерството за внатрешни работи, случајот бил пријавен вчера околу 20 часот во СВР Битола, кога во атарот на селото Подмол бил пронајден превртен трактор, кој претходно го управувал М.Т. (54) од село Канатларци.

— реклама —

— реклама —

Од здобиените повреди, мажот починал на местото на настанот, а смртта ја констатирал лекар од Итната медицинска помош во Прилеп.

— реклама —

По наредба на јавен обвинител, телото на починатиот е предадено на обдукција, а увид на местото извршила увидна екипа од ОВР Прилеп.