Маж загина во Струмица

Шеесет и едногодишен маж загина во сообраќајна несреќа што се случила вчера на локалниот пат во село Доброшинци, струмичко.

— реклама —

Според информациите од полицијата, во несреќата учествувале автомобил „шкода октавија“ со струмички регистарски ознаки, управувано од В.А.(62) од село Пиперево, струмичко и „фолксваген шаран“ со струмички регистарски ознаки, управувано од Е.М.(25) од село Градошорци, струмичко.

— реклама —

— реклама —

Во незгодата починал возачот В.А., додека Е.М. и А.А.(16), сопатничка во неговото возило се здобиле со телесни повреди и биле пренесени во болницата во Струмица за укажување на лекарска помош.

— реклама —

Увид на местото извршила екипа од СВР Струмица.