Полицијата во Велес лишила од слобода две лица по пријави за физички напад и телефонски закани.
На 10 септември, полициски службеници од СВР Велес ги лишиле од слобода 54-годишната К.Т. и 51-годишниот Д.С., двајцата од Велес.
Претходно, 56-годишен велешанец пријавил дека во својот дом бил физички нападнат од сопругата К.Т. Воедно, тој пријавил и дека на 2 септември сопругот на неговата вонбрачна партнерка, Д.С., телефонски му се заканувал.
За случаите биле известени јавен обвинител и Центарот за социјални работи во Велес.
Од МВР информираат дека по целосното расчистување и документирање на настаните ќе бидат поднесени соодветни поднесоци.
