Триесет и шестгодишен жител на гостиварско бил лишен од слобода откако неговата 35-годишна сопруга пријавила дека била физички нападната и малтретирана во нивниот дом, а тој ѝ упатувал и закани по живот.
Според МВР, жената на 4 септември во 19:45 часот во Полициската станица Гостивар пријавила дека претходната вечер, околу 23:50 часот, во семејниот дом била физички нападната и малтретирана од сопругот В.М. (36).
Таа пријавила и дека сопругот ѝ упатил закани по животот.
В.М. бил лишен од слобода на 4 септември во 22:50 часот на улицата „Илинденска“ во Гостивар и бил задржан во полициска станица. По целосното документирање на случајот, против него ќе следува соодветен поднесок.
