65-годишен жител на тетовско е лишен од слобода по пријава за семејно насилство, откако неговата сопруга пријавила дека ја нападнал и ѝ нанел повреди.
Од МВР информираат дека полициски службеници од СВР Тетово го лишиле од слобода П.А. (65) на 14 септември во 12:30 часот.
Според пријавеното, неговата 62-годишна сопруга пријавила дека претходната вечер, околу 21 часот, во нивниот дом, П.А. физички ја нападнал и ѝ нанел повреди.
Дополнително, таа пријавила дека во изминатиот период тој вршел физичко и психичко насилство и врз нивната 49-годишна ќерка.
П.А. е задржан во Полициската станица Тетово. Од МВР соопштуваат дека по целосното документирање на случајот против него ќе следува соодветен поднесок.
