Маж ја нападнал сопругата, па пробал да избега од полиција

Скопската полиција привела 44-годишен маж од Скопје откако, според пријавеното, физички ја нападнал сопругата, а потоа повторно ја нападнал пред полициско одделение во Шуто Оризари.

— реклама —

Од МВР информираат дека на 26 септември околу 15:40 часот, полициски службеници од СВР Скопје го лишиле од слобода А.Д.(44). Претходно, тој физички ја нападнал својата 42-годишна сопруга.

— реклама —

— реклама —

Откако жената дошла во Полициското одделение Шуто Оризари за да го пријави случајот, 44-годишникот дошол по неа. Според МВР, тој се однесувал агресивно кон полициските службеници, повторно ја нападнал сопругата и се обидел да побегне.

— реклама —

Полицајците успеале да го фатат и да го лишат од слобода. По целосното документирање на случајот, против него ќе биде поднесена соодветна пријава.