Четириесет и седумгодишен жител на гостиварско село е лишен од слобода по пријава дека физички ја нападнал својата сопруга, информира Министерството за внатрешни работи.
На 6 септември полициски службеници од Полициското одделение Галате го привеле Х. А. (47), постапувајќи по пријава поднесена од неговата 49-годишна сопруга.
Според пријавата, нападот се случил на 5 септември околу 22:30 часот во семејниот дом. Жената пријавила дека сопругот физички ја нападнал и ја удрил со стаклен предмет.
Од МВР информираат дека по целосното документирање на случајот против лицето ќе биде поднесен соодветен поднесок.
