Маж ја нападнал сопругата со тврд предмет, ѝ го оштетил телефонот и ѝ се заканувал

Четириесет и осумгодишна скопјанка пријавила дека била физички нападната и упатувани ѝ биле закани од страна на нејзиниот сопруг во семејниот дом, информира Министерството за внатрешни работи.

— реклама —

Случајот бил пријавен на 6 септември во 01:00 часот во СВР Скопје. Според пријавата, жената била нападната со тврд предмет, а сопругот ѝ го оштетил и мобилниот телефон.

— реклама —

— реклама —

Дополнително, според пријавеното, тој ѝ се заканувал со остар предмет.

— реклама —

Од МВР информираат дека се преземаат мерки за расчистување и целосно документирање на случајот, по што ќе следува соодветен поднесок.