28-годишен жител на Чашка бил лишен од слобода по пријава дека физички ја нападнал својата 26-годишна вонбрачна партнерка.
На 16 септември во 17:00 часот, полициски службеници од Полициското одделение Чашка го привеле Н.Д. (28), постапувајќи по претходно пријавен случај на семејно насилство.
Според пријавата, нападот се случил во домот на лицето, каде што тој физички ја нападнал својата вонбрачна партнерка.
Н.Д. бил приведен во полициска станица, а за случајот бил известен јавен обвинител. По целосното расчистување и документирање на настанот, против него ќе биде поднесена соодветна пријава.
