Полицијата лишила од слобода 37-годишен жител на Марино, Општина Илинден, откако при сообраќајна контрола било утврдено дека управувал автомобил со 3,02 промили алкохол во крвта, а во возилото била пронајдена и воздушна пушка.
А.С. бил приведен на 9 септември околу 14:55 часот во Марино од полициски службеници од СВР Скопје. При контролата било утврдено дека управувал автомобил „фолксваген“ со кумановски регистарски ознаки под дејство на алкохол.
Алкотестирањето покажало присуство на 3,02 промили алкохол во крвта. При дополнителната контрола на возилото била пронајдена воздушна пушка, која била одземена.
Против 37-годишникот постојат основи на сомнение за сторени кривични дела согласно член 297-а од Кривичниот законик и член 80 од Законот за оружјето.
По целосното документирање на случајот, против него ќе биде поднесена соодветна пријава.(4NEWS.mk)
