На регионалниот пат Дебар–Долно Косоврасти, во близина на Мелнички мост, бил нарушен јавниот ред и мир со физички напад врз 40-годишен маж од Виетнам, кој живее во САД, информира Министерството за внатрешни работи.
Случајот бил пријавен на 5 септември во 15:10 часот во ОВР Дебар. Според пријавеното, физичкиот напад го извршил Б. С. од тетовското село Боговиње.
Од МВР информираат дека по целосното документирање на настанот против лицето ќе биде поднесена соодветна пријава.
