Полициски службеници од СВР Тетово лишиле од слобода 25-годишен жител на Тетово, откако неговата поранешна вонбрачна сопруга го пријавила за подолготрајно физичко насилство и закани.
Од МВР информираат дека С.И. бил лишен од слобода на 13 август во 15:40 часот, поради постоење сомнение за кривичните дела „загрозување на сигурноста“ и „демнење“.
Според пријавеното, 20-годишната жена од Тетово навела дека тој подолг период вршел физичко насилство врз неа и ѝ упатувал закани по животот.
С.И. бил задржан во полициска станица. По целосното документирање на случајот, против него ќе биде поднесен соодветен поднесок.
