Триесет и петгодишна жена од скопско пријавила дека подолг период била физички и психички малтретирана од нејзиниот сопруг, кој, според нејзиното сведоштво, упатувал закани и кон нивните малолетни деца.
Случајот бил пријавен на 23 август во 16:30 часот во СВР Скопје. Жената навела дека на 13 август, во семејниот дом во скопско, по претходна расправија, нејзиниот 34-годишен сопруг агресивно се однесувал и упатувал закани кон неа и децата.
Според пријавеното, ваквото однесување траело подолг временски период, при што таа била физички и психички малтретирана.
Полицијата презема мерки за целосно расчистување и документирање на случајот.
