Министерството за дигитална трансформација продолжува со мерките против нелегалното онлајн коцкање, доставувајќи до Агенцијата за електронски комуникации нов налог за блокирање на дополнителни 104 веб-страници преку кои се приредуваат игри на среќа спротивно на законските прописи.
Со најновата мерка, бројот на записи опфатени со досегашните налози за блокирање достигна 462.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Од Министерството посочуваат дека целта е да се спречи нелегалното приредување игри на среќа преку интернет и да се ограничи пристапот до платформи што работат надвор од законските рамки. Мерките, како што наведуваат, се насочени и кон заштита на личните и финансиските податоци на граѓаните, како и кон спречување на изложеноста на малолетниците на онлајн коцкање.
Според доставениот налог, АЕК треба во рок од пет дена да го проследи до операторите на електронски комуникациски мрежи. Операторите потоа се должни веднаш да го ограничат пристапот до наведените страници и да прикажат известување за причината за блокирањето.
МДТ ги повикува граѓаните да не внесуваат лични и финансиски податоци на непроверени интернет-страници, а родителите и старателите да посветат поголемо внимание на онлајн активностите на децата и да ги информираат за ризиците од интернет-коцкањето.
Од Министерството најавуваат дека ќе продолжат со мерките во рамките на своите надлежности за сузбивање на нелегалните игри на среќа и создавање побезбеден интернет-простор.
