Мексико стана првата репрезентација што обезбеди пласман во нокаут-фазата на Светското првенство, откако во второто коло славеше над Јужна Кореја со минимални 1:0.
По израмнето и претпазливо прво полувреме без многу возбудувања, решавачкиот момент се случи веднаш по паузата. Ромо во 49. минута го постигна единствениот погодок на натпреварот и му донесе три важни бода на Мексико.
Јужнокорејците не успеаја да одговорат по примениот гол и до крајот не создадоа посериозна закана, па Мексиканците заслужено стигнаа до втората победа во групата и сигурен пласман во следната рунда.
По две кола, Мексико е лидер со шест бодови, пред Јужна Кореја со три, додека Чешка и Јужна Африка имаат по еден бод.
Во вториот натпревар од денот, Канада приреди вистинско шоу и го совлада Катар со убедливи 6:0, правејќи огромен чекор кон осминафиналето.
Ларин го отвори резултатот во 16. минута, а Дејвид до крајот на првото полувреме постигна два гола за високи 3:0. Клучен момент беше исклучувањето на Ал-Амин во 33. минута, по што Катар остана со играч помалку.
Проблемите за домаќинот продолжија и во вториот дел. Во 51. минута Мадибо доби директен црвен картон по остар старт врз Коне, кој заработи тешка повреда и беше изнесен од теренот на носилки.
Со двајца играчи повеќе, Канаѓаните целосно доминираа и до крајот постигнаа уште три погодоци преку Салиба, автоголот на Ал-Манаи и Дејвид, кој го комплетираше својот хет-трик.
За Канада ова е прва победа во историјата на нејзините настапи на Светските првенства.
По две кола, Канада и Швајцарија имаат по четири бода, додека Босна и Херцеговина и Катар остануваат на по еден освоен бод пред последното коло од групната фаза.
