„Оставка од Владата веднаш“, побара лидерот на ВМРО-ДПМНЕ, Христијан Мицкоски по веста дека полицијата не може да го најде екс-директорот на УБК, Сашо Мијалков. Мицкоски на Фејсбук порача дека „мафијата има своја држава“.
„Одамна реков, мафијата има своја држава. Нема дно кое не го пробија. Оставка на Владата веднаш“ - напиша Мицкоски на ФБ.
Лидерот на најголемата опозициска партија на социјалната мрежа вчера објави дел од обраќање пред Унијата на жени во партијата во кое вели:
„Сите се качија на еден ист брод, се собра дружината. Уценуваните и уценувачите. А Заев, сакајќи да ѝ наштети на ВМРО, си стави уште еден тег на ногата. Епа Заев, со здравје да си ги носиш. Си одговарате и по криминалот и по нечесноста. Ви кажувам, сега доаѓа ураганот од народ, кој ќе го потопи тој брод на кој сте собрани топтан. Доста е“.
фото: Архива
