„Денес 25.03.2019 година Независната пратеничка група на ВМРО - ДПМНЕ и Коалицијата за подобра Македонија на барање на Христијан Мицкоски, претседател на ВМРО - ДПМНЕ оствари средба со него во македонското Собрание.
На средбата се разговараше за актуелната политичка состојба, ставовите за реформските закони и идните предизвици за Македонија“, пишува со соопштението испратено до медиумите
Новата пратеничка група е составена од 7 членови на ВМРО-ДПМНЕ и еден пратеник од Социјалистичката партија кои гласаа за потребaта од уставни измени, а ќе биде предводена од Елизабета Канческа Милевска. Освен неа во групата се и Владанка Авировиќ, Зеќир Рамчиловиќ, Емилија Александрова, Нола Исмајлоска Старова, Крсто Мукоски, Сашо Василевски, Љубен Арнаудов.
