Во име на ВМРО-ДПМНЕ искрено сочувствувам со семејствата на жртвите од земјотресот што се случи во Измир и нашите молитви се за излекување на повредените од природната катастрофа. Денес за жал пријателскиот турски народ и Турција се соочи со сериозна природна непогода, се вели во соопштението од претседателот на ВМРО ДПМНЕ, Христијан Мицкоски.
Мицкоски додава:
Како жител на Скопје, град кој ја почуствувал жестината на разорниот земјотрес и чии темели се основани на солидарност и хуманост верувам дека и Измир и погодените региони брзо ќе се вратат во нормалните текови и ќе дојде до израз меѓусебната помош, разбирање и хуманост.
По овој катастрофален земјотрес убеден сум дека Турција и турскиот народ ќе излезат посилни и пообединети.
Во нашите мисли се сите кои изгубија членови на своите семејства и свои блиски луѓе, вели Мицкоски.
