Мила Србиноска од „Break a Leg“ е меѓу најдобрите во светот, го освои четвртото место на Светското првенство во хип-хоп

Младата македонска хип-хоп танчарка Мила Србиноска го освои четвртото место на Светското првенство во хип-хоп 2026, во категоријата Hip Hop Solo Female Junior 2. Таа настапува за скопското студио „Break a Leg“, под водство на тренерката Андријана Петковска.

— реклама —

Србиноска почнала да танцува на тригодишна возраст, а веќе на шест години станала европска шампионка. Во 2024 година ја освои и светската јуниорска титула во хип-хоп.

— реклама —

— реклама —

Ова е нејзино трето последователно Светско првенство на кое стигнува до финалето, а во оваа сезона има и четири финални настапи. Покрај тоа, освоила два сребрени и еден бронзен медал.

Со новиот успех, Мила продолжува да ја претставува Македонија на меѓународната сцена и да придонесува за афирмација на македонскиот хип-хоп.