Македонската репрезентативка Мила Србиновска освои сребрен медал на Европското првенство на Меѓународната танцова организација (IDO) во дисциплината „All Style Battles“, кое се одржа во Клагенфурт, Австрија.
Србиновска настапи како дел од репрезентацијата на Македонија и го освои второто место во категоријата „Hip Hop Battle Solo Junior“, со што се закити со титулата европска вицешампионка.
Со овој успех, таа уште еднаш потврди дека е меѓу најдобрите млади хип-хоп танчерки во Европа. По титулата светска шампионка во 2024 година, Србиновска продолжува да бележи врвни резултати и на европската сцена, претставувајќи ја Македонија на највисоко ниво.
Освоениот сребрен медал претставува уште едно значајно меѓународно признание за македонскиот спорт и танц, а настапот на Србиновска во Клагенфурт беше уште една потврда за нејзината посветеност, квалитет и борбен дух.
Македонската репрезентативка покажа голема борбеност во текот на натпреварувањето и успеа да стигне до финалето, каде го освои сребрениот медал и ја израдува македонската јавност со нов европски успех.
