Кинескиот милијардер Џек Ма, кој долго време беше еден од главните поборници за екстремната кинеска работна култура, сега вели дека луѓето треба да работат само 12 часа неделно благодарение на придобивките од вештачката интелигенција.
– Луѓето би можеле да работат само три дена во неделата, четири часа дневно со помош на напредокот на технологијата и реформа на образовниот систем – рече Ма.
Џек Ма, претходно јавно ја поддржа кинеската работна практика позната како „996“, односно работење од 9 до 21 часот 6 дена во неделата, кое во последно време стана вообичаено кај големите кинески технолошки компании и стартапите.
– Ако работиме работа што ја сакаме, 996 не е проблем. Ако не ви се допаѓа (тоа што го работите), секој минута е мачење – вели Ма.
